Framleiðandi Planet Earth gjörsamlega missti það og hótaði borgaralegri handtöku

Bretinn Fergus Beeley hefur margoft starfað með Sir David Attenborough við gerð þáttanna Planet Earth og hefur hann haft það hlutverk að vera framleiðandi.

Myndband náðist af Beeley í vegkanti rétt við Southampton þar sem hann gjörsamlega missti stjórn á skapi sínu og það við bílstjóra bifreiðar og annað fólk á svæðinu.

Beeley var allt annað en sáttur með ökumanninn sem varð fyrir því óláni að rekast í bifreið Beeley er hann ætlaði að skipta um akrein.

Myndbandið hefur vakið mikla athygli en Beeley starfaði lengi vel hjá BBC og þykir nokkuð þekktur í Bretlandi.

Hann lét öllum illum látum og hótaði borgaralegri handtöku á staðnum, en Beeley vildi meina að ökumaðurinn væri hættulegur umhverfi sínu. Hér að neðan má sjá myndband sem náðist af atvikinu.