Fjögur lykilatriði til að veita konum fullnægingu

Mikið hefur verið ritað um fullnægingar kvenna í gegnum árin. Vefsíðan Daily Star fjallar ítarlega um málið í grein sem birtist á vefnum.

Þar er farið yfir fjögur helstu atriðin sem elskhugar kvenfólks ættu að hafa í huga í kynlífinu. Daily Star tekur allar sínar upplýsingar úr 72 bloggfærslum þar sem konur fengu það verkefni að gera leiðarvísi fyrir fyrrum elskhuga eða framtíðar elskhuga. 

Hér að neðan má sjá úrdrátt úr niðurstöðunum þar sem farið er yfir helstu atriðin. 

1. Munnmök

Ein konan ritar: „Byrjaðu mjög rólega, í raun eins og þú sért að kela létt við píkuna. Kysstu hana úti um allt og farðu síðan að einbeita þér að snípnum.“

Önnur segir: „Mér finnst best þegar tungan fer í hringi en það sem ég þoli ekki er þegar menn smella tungunni ítrekað í snípinn. Ég sé þetta mikið í klámi og bara skil þetta ekki. Ég þoli ekki þegar þeir gera tunguna stinna og nota bara tungubroddinn.“

„Ég var að hitta mann í sex mánuði og hann fór aðeins niður á mig tvisvar og ég fékk það í hvorugt skipt.“

2. Sýndu þolinmæði

„Veljið ykkur óeigingjarnan elskhuga, elskhuga sem er þolinmóðir og hlýr. Það er nauðsynlegt að vera hreinskilin og láta vita hvað sé gott og ekki eins gott. Hann þarf að vita hvar hann stendur.“

„Ef þetta eru góðir menn eða konur, þá mun aðilinn vera með þér í lengri tíma og kanna alla mögulegar aðferðir. Það má ekki gera sér upp fullnægingu, það er stranglega bannað.“

Ein ritar að þolinmæði þegar kemur að fullnægingu kvenna sé algjört lykilatriði. 

„Þetta tekur tíma. Stundum fróa ég mér í 45 mínútur áður en ég fæ það.“

3. Einbeittu þér að henni

Ein konan segir að hún hafi ítrekað tekið eftir því að elskhugi hennar hafi augljóslega leiðst þegar leið á. 

„Þegar hann puttaði mig var mjög augljóst að hann var mjög svo pirraður á því hvað þetta tæki langan tíma. Þetta gerði mig alltaf mjög stressaða.“

4. Talið við hvort annað

Margar konur segja að þær treysti sér ekki til að segja elskhuganum frá því hvað þær vilja í raun og veru.

„Það er stundum eins og það sé móðgandi fyrir karlmenn að láta konur segja þeim fyrir verkum. Maður upplifir það stundum.“

Önnur kona segir: „Ég skammaðist mín einfaldlega fyrir að segja þeim að þetta væri ekki að ganga. Ég vildi ekki að þeir héldu að ég væri lauslát og hefði rosalega mikla reynslu.“

Ein segir: „Ég var svo upptekin af því að láta þá fá það að ég hugsaði ekkert um sjálfan mig. Ég var stundum óörugg og hrædd um að viðurkenna að ég vissi ekki hvað ég vildi.“