Leggur upp í öðrum hverjum leik

Kevin de Bruyne á bestu stoðsendingatölfræði í sögu ensku úrvalsdeildarinnar. Það kemur þó lítið á óvart, þar sem Belginn hefur verið framúrskarandi með Manchester City.

De Bruyne gefur að meðaltali stoðsendingu á 178 mínútna fresti í úrvalsdeildinni. Það eru því minna en tveir leikir á milli stoðsendinga miðjumannsins knáa.

Næstur á listanum er Portúgalinn Nani, sem spilaði með Manchester Untied á árunum 2007-2015. Mínúturnar á milli stoðsendinga hans voru 226, jafn margar og hjá hinum spænska Cesc Fabregas.

Síðastur inn á topp 10 listann er Ryan Giggs með 289 mínútur milli stoðsendinga. Þess má geta að aðeins þeir sem hafa gefið 25 eða fleiri stoðsendingar voru með í útreikningunum.

Gylfi Þór Sigurðsson hefur gefið 36 stoðsendingar í úrvalsdeildinni á 13965 mínútum. Meðaltal hans er því 387 mínútur á milli stoðsendinga, eða þó nokkuð frá því að komast inn á topp 10 listann.

Jóhann Berg Guðmundsson er aðeins með 11 stoðsendingar, og meðaltalið 531 mínúta á milli þeirra. Eiður Smári Guðjohnsen kemst heldur ekki inn í útreikningana, með 24 stoðsendingar.

10 - Top 10 players minutes per assist in Premier League history (min 25 assists).

1 De Bruyne 178

2 Nani 226

3 Fabregas 226

4 Özil 228

5 Bergkamp 236

6 Cantona 246

7 David Silva 256

8 Berkovic 265

9 Beckham 270

10 Giggs 289

Creators

— OptaJoe (@OptaJoe) November 30, 2017