Vilja útsendingar í veggöngum

Samgöngufélag Íslands hefur skoðað hvað þurfi til að ná megi útsendingum útvarps í þeim veggöngum, þar sem ekki nást útvarpssendingar eins og er. Þetta kemur fram í erindi félagsins til samgönguráðherra, Vegagerðarinnar og sveitarfélaga.

Í Fjallabyggð þar sem bæði Héðinsfjarðargöng og Strákagöng er að finna kveðst bæjarráðið taka undir nauðsyn þess að útvarpssendingar náist í veggöngum. Það myndi auka öryggi.

„Bæjaryfirvöld hafa tekið málið upp við Vegagerðina án árangurs og er unnið að gerð erindis til Vegagerðarinnar vegna málsins,“ segir bæjarráðið.