Lífið

Bragi Valdimar fellir Geir á málfræðiprófinu

Stefán Árni Pálsson skrifar
Geir er ekki eins góður og Bragi Valdimar í íslensku.
Geir er ekki eins góður og Bragi Valdimar í íslensku. Visir/hanna/anton
Geir Þorsteinsson, fyrrverandi formaður Knattspyrnusambands Íslands, var ósáttur við íþróttafréttamenn landsins í gærkvöldi eftir að úrslit um kjör á íþróttamanni ársins lágu fyrir.

Kylfingurinn Ólafía Þórunn Kristinsdóttir varð hlutskörpust í kjöri Samtaka Íþróttafréttamanna og var hún valin íþróttamaður ársins 2017. Geir gagnrýnir ákvörðun íþróttafréttamanna í færslu sinni á Twitter og þykir honum óskiljanlegt að ekki hafi knattspyrnumaður verið valinn íþróttamaður ársins.

Geir ritaði þetta á Twitter: „Þetta gengur ekki lengur - þurfum að velja íþróttamann og íþróttakonu ársins - fá til verksins hundruði aðila sem til þekkja - knattspyrnumaður ekki valinn ÍMÁ 2017 !!“



Textasmiðurinn, tónlistarmaðurinn og sjónvarpsmaðurinn Bragi Valdimar Skúlason er aftur á móti ekki ánægður með það hvernig Geir fer með íslenska tungu og kemur inn á það í sinni færslu á Twitter. Geir er hreinlega felldur á málfræðiprófinu og segir Bragi þetta:

„Þetta gengur ekki lengur - þurfum að læra að beygja orðið hundrað - það er hundruð ekki hundruði í þolfalli fleirtölu - og það að nota strik í stað punkta er bara mjög furðulegt IMO 2017 !!“

 
 


Tengdar fréttir






Fleiri fréttir

Sjá meira


×