Messan: Klopp breytir byrjunarliðinu langmest

Rótering Jurgen Klopp á mannskap Liverpool hefur verið mikið í umræðunni eftir jafntefli liðsins gegn Everton í gær. Klopp gerði sex breytingar á byrjunarliðinu fyrir grannaslaginn.

Sérfræðingarnir í Messunni á Stöð 2 Sport ræddu Klopp í gær og kom það ekki á óvart að Þjóðverjinn hefði gert breytingar.

„Klopp er búinn að gera þetta. Hann er búinn að gera flestar breytingar á byrjunarliðinu, 59. Næsta lið fyrir neðan hefur gert 39 breytingar og það er West Ham,“ sagði Bjarni Guðjónsson.

„Það hefur alveg virkað ágætlega en það hefði verið voða fínt fyrir þá að vera komnir með tveimur stigum meira núna.“

Klopp ofmetur rotation svakalega. Hvílir menn sem þurfa ekki hvíld. Aftur og aftur.

— Elvar Geir Magnússon (@elvargeir) December 10, 2017