Skotheld kaffihúsaráð fyrir hundaeigendur Guðný Hrönn skrifar 11. nóvember 2017 17:15 Heiðrún Klara er hundaþjálfari og hundaatferlisfræðingur hjá HundaAkademíunni. vísir/ERNIR Í tilefni þess að veitinga- og kaffihúsum á Íslandi, sem uppfylla ákveðin skilyrði, er nú heimilt að bjóða hunda og ketti velkomna í heimsókn setti Heiðrún Klara Johansen, hundaþjálfari og hundaatferlisfræðingur, nokkur góð ráð saman fyrir lesendur. Hún segir mikilvægt að fólk undirbúi hundana sína vel áður en það fer með þá af stað í kaffihúsaferð.1. Mikilvægi umhverfisþjálfunar Hundurinn þarf að vera vel umhverfisþjálfaður. Það þýðir að hann þarf að vera vanur að fara á nýja staði og hann þarf að geta verið rólegur í þeim aðstæðum. Ef hann er ekki vanur er gott að venja hann við með því að fara í heimsóknir til vina og ættingja.2. Slökun Hundurinn á að vera í slökun á kaffihúsi. Kaffihús er ekki leiksvæði fyrir hundinn og á hann því að vera rólegur og slappa af. Fín leið til þess að ná slökun er að halda um axlir og tala rólega til hans. Hægt er að strjúka eða nudda axlir til að losa um spennu. Mikilvægt er að vera róleg/ur sjálf/ur til þess að smita frá sér ró í hundinn. (sjá slökunaræfingu fyrir neðan)3. Væntingastjórnun Þeir sem hafa séð hunda í útlöndum, á kaffihúsum, í verslunarmiðstöðvum og í strætó/lest sjá að þar eru hundarnir rólegir og allir láta þá vera. Þetta er ákveðin væntingastjórnun, hundarnir læra að í þessum aðstæðum fái þeir enga athygli og þá fara þeir að slappa af. Venjum því hundinn á að hann fái litla sem enga athygli á kaffihúsum. Hann fái ekki að heilsa öllum og ekki leyfa öllum að klappa hundinum, því það gæti mögulega verið erfiðara fyrir hann. Þá getur verið sniðugt að staðsetja hundinn undir eða á bak við stólinn þinn þannig að fólk komist ekki eins auðveldlega að honum. Athugið að ekki vilja allir hundar fá klapp frá ókunnugum.4. Taktu ábyrgð á hundinum Hundurinn má ekki merkja (pissa). Þeir hundar sem eru líklegir til þess þurfa að vera með svokallað rakkabindi um mittið (ef slys verður þarft þú strax þrífa upp, ekki ætlast til þess að starfsfólk þrífi eftir þig). Athugið að algengt stress-merki er að hundar pissi/kúki. Ef hundurinn er að væla mikið, gelta eða er órólegur, þá er best að fara með hann burt af staðnum og æfa hann svo betur í umhverfisþjálfun, kenna honum að vera rólegur í svona aðstæðum áður en þið reynið aftur.5. Merkjamál hunda Kynntu þér merkjamál hunda til að geta lesið hundinn og vitað hvort honum líður vel í þessum aðstæðum. Virtu persónulegt rými hundsins og ef honum virðist ekki líka að vera nálægt ókunnugu fólki þá skaltu staðsetja hann þannig að þú sért á milli. Algeng merki sem gefa til kynna að hundinum líði ekki vel„Hundurinn er órólegur, hlustar ekki á þig, másandi út að eyrum, vælinn, stífur í líkamanum, geispar mikið, augun stærri en venjulega, hrukkur í andlitinu, virðist „þreytulegur í andlitinu“. Sumir hundar geta virkað mjög rólegir þegar þeim líður ekki vel, þeir geta reynt að fela sig undir stól eða bak við þig, vera stirðir, titra, líta undan, snúa höfðinu eða sleikja mikið út um ef reynt er að tala við þá eða klappa. Aðrir hundar gelta meira þegar þeir eru hræddir eða stressaðir,“ segir Heiðrún.„Það er mikilvægt að hundaeigandi viti hvað þeirra hundur getur og það eru því miður ekki allir hundar tilbúnir að fara á kaffihús.“ „Ef þig grunar að honum líði ekki vel þarftu að fara með hann heim.“ Slökunaræfing með nammi„Það er hægt að móta hundinn til að slaka á með því að nota nammi. En þá skiptir það miklu máli hvernig þú notar nammið svo hann sé ekki bara að stara á þig og bíða eftir næsta nammibita. Hér er dæmi um slökunaræfingu.“ Athugið að þessi æfing er hljóðlaus, fyrir utan rólegt hrósorð þegar þú gefur nammið. Ekki ná augnsambandi við hundinn, heldur horfðu aðeins til hliðar við hundinn. Sittu á stól. Hafðu hundinn í taumi. Vertu með nammi í hendi. Nú er hundurinn alveg örugglega kominn til þín og er að bíða eftir að fá nammið. Ef hann sýnir óæskilega hegðun, sem við oft köllum „frekjuhegðun“, vælir, krafsar eða heimtar nammið þarftu að bíða þangað til hann hættir því. Um leið og hann þegir gefur þú honum nammi. Þannig kennir þú honum að bíða þolinmóður áður en æfingin byrjar. Þegar hann situr fyrir framan þig og bíður eftir nammi, bíður þú eftir því að hann horfi ekki á þig. Þegar hann lítur til hliðar eða niður setur þú nammi á gólfið milli framfóta hans. Það er fínt að hrósa mjög rólega í þessari æfingu og gefa nammi með rólegri hreyfingu. Ástæðan fyrir því að við setjum nammið á milli framfóta hans er að við erum að móta hann í að liggja og þá er sniðugt að gefa nammið þar sem við viljum hafa hundinn. Hundar átta sig á þessu og vilja þá vera þar sem nammið birtist. Þetta er endurtekið oft. Vonin er sú að fljótlega fari hann að liggja og bíða eftir namminu á gólfinu þar sem það birtist alltaf. Við erum að leyfa honum að uppgötva sjálfur að það borgi sig að leggjast og slappa af þegar ekkert er að gerast. Þegar hann er farinn að skilja að það borgar sig að vera rólegur máttu byrja að lengja á milli þess sem hann fær nammið. Þessa slökunaræfingu er gott að æfa á stól við borð svo það líkist kaffihúsi. Ég mæli með að æfa í 10 mínútur í senn, einu sinni, tvisvar eða þrisvar á dag þar til hann skilur æfinguna. Það getur verið að hundurinn þurfi marga nammibita á stuttum tíma til að byrja með, þess vegna þurfa bitarnir að vera mjög litlir og auðveldir að tyggja eða helst gleypa. Síðan má minnka nammið þegar hundurinn er orðinn vanur því að liggja slakur. Þá er bestað gefa nammi stundum og stundum ekki. Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Lofar svakalegri veislu Tónlist Arnar Þór selur Arnarneshöllina Lífið Heilmikil skemmtidagskrá og samsöngur á Þingvöllum í dag Lífið Tengdasonur Íslands trúðaði Simon Cowell upp úr skónum Bíó og sjónvarp Hvers vegna tölum við um bongóblíðu? Lífið Fleiri fréttir Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Sjá meira
Í tilefni þess að veitinga- og kaffihúsum á Íslandi, sem uppfylla ákveðin skilyrði, er nú heimilt að bjóða hunda og ketti velkomna í heimsókn setti Heiðrún Klara Johansen, hundaþjálfari og hundaatferlisfræðingur, nokkur góð ráð saman fyrir lesendur. Hún segir mikilvægt að fólk undirbúi hundana sína vel áður en það fer með þá af stað í kaffihúsaferð.1. Mikilvægi umhverfisþjálfunar Hundurinn þarf að vera vel umhverfisþjálfaður. Það þýðir að hann þarf að vera vanur að fara á nýja staði og hann þarf að geta verið rólegur í þeim aðstæðum. Ef hann er ekki vanur er gott að venja hann við með því að fara í heimsóknir til vina og ættingja.2. Slökun Hundurinn á að vera í slökun á kaffihúsi. Kaffihús er ekki leiksvæði fyrir hundinn og á hann því að vera rólegur og slappa af. Fín leið til þess að ná slökun er að halda um axlir og tala rólega til hans. Hægt er að strjúka eða nudda axlir til að losa um spennu. Mikilvægt er að vera róleg/ur sjálf/ur til þess að smita frá sér ró í hundinn. (sjá slökunaræfingu fyrir neðan)3. Væntingastjórnun Þeir sem hafa séð hunda í útlöndum, á kaffihúsum, í verslunarmiðstöðvum og í strætó/lest sjá að þar eru hundarnir rólegir og allir láta þá vera. Þetta er ákveðin væntingastjórnun, hundarnir læra að í þessum aðstæðum fái þeir enga athygli og þá fara þeir að slappa af. Venjum því hundinn á að hann fái litla sem enga athygli á kaffihúsum. Hann fái ekki að heilsa öllum og ekki leyfa öllum að klappa hundinum, því það gæti mögulega verið erfiðara fyrir hann. Þá getur verið sniðugt að staðsetja hundinn undir eða á bak við stólinn þinn þannig að fólk komist ekki eins auðveldlega að honum. Athugið að ekki vilja allir hundar fá klapp frá ókunnugum.4. Taktu ábyrgð á hundinum Hundurinn má ekki merkja (pissa). Þeir hundar sem eru líklegir til þess þurfa að vera með svokallað rakkabindi um mittið (ef slys verður þarft þú strax þrífa upp, ekki ætlast til þess að starfsfólk þrífi eftir þig). Athugið að algengt stress-merki er að hundar pissi/kúki. Ef hundurinn er að væla mikið, gelta eða er órólegur, þá er best að fara með hann burt af staðnum og æfa hann svo betur í umhverfisþjálfun, kenna honum að vera rólegur í svona aðstæðum áður en þið reynið aftur.5. Merkjamál hunda Kynntu þér merkjamál hunda til að geta lesið hundinn og vitað hvort honum líður vel í þessum aðstæðum. Virtu persónulegt rými hundsins og ef honum virðist ekki líka að vera nálægt ókunnugu fólki þá skaltu staðsetja hann þannig að þú sért á milli. Algeng merki sem gefa til kynna að hundinum líði ekki vel„Hundurinn er órólegur, hlustar ekki á þig, másandi út að eyrum, vælinn, stífur í líkamanum, geispar mikið, augun stærri en venjulega, hrukkur í andlitinu, virðist „þreytulegur í andlitinu“. Sumir hundar geta virkað mjög rólegir þegar þeim líður ekki vel, þeir geta reynt að fela sig undir stól eða bak við þig, vera stirðir, titra, líta undan, snúa höfðinu eða sleikja mikið út um ef reynt er að tala við þá eða klappa. Aðrir hundar gelta meira þegar þeir eru hræddir eða stressaðir,“ segir Heiðrún.„Það er mikilvægt að hundaeigandi viti hvað þeirra hundur getur og það eru því miður ekki allir hundar tilbúnir að fara á kaffihús.“ „Ef þig grunar að honum líði ekki vel þarftu að fara með hann heim.“ Slökunaræfing með nammi„Það er hægt að móta hundinn til að slaka á með því að nota nammi. En þá skiptir það miklu máli hvernig þú notar nammið svo hann sé ekki bara að stara á þig og bíða eftir næsta nammibita. Hér er dæmi um slökunaræfingu.“ Athugið að þessi æfing er hljóðlaus, fyrir utan rólegt hrósorð þegar þú gefur nammið. Ekki ná augnsambandi við hundinn, heldur horfðu aðeins til hliðar við hundinn. Sittu á stól. Hafðu hundinn í taumi. Vertu með nammi í hendi. Nú er hundurinn alveg örugglega kominn til þín og er að bíða eftir að fá nammið. Ef hann sýnir óæskilega hegðun, sem við oft köllum „frekjuhegðun“, vælir, krafsar eða heimtar nammið þarftu að bíða þangað til hann hættir því. Um leið og hann þegir gefur þú honum nammi. Þannig kennir þú honum að bíða þolinmóður áður en æfingin byrjar. Þegar hann situr fyrir framan þig og bíður eftir nammi, bíður þú eftir því að hann horfi ekki á þig. Þegar hann lítur til hliðar eða niður setur þú nammi á gólfið milli framfóta hans. Það er fínt að hrósa mjög rólega í þessari æfingu og gefa nammi með rólegri hreyfingu. Ástæðan fyrir því að við setjum nammið á milli framfóta hans er að við erum að móta hann í að liggja og þá er sniðugt að gefa nammið þar sem við viljum hafa hundinn. Hundar átta sig á þessu og vilja þá vera þar sem nammið birtist. Þetta er endurtekið oft. Vonin er sú að fljótlega fari hann að liggja og bíða eftir namminu á gólfinu þar sem það birtist alltaf. Við erum að leyfa honum að uppgötva sjálfur að það borgi sig að leggjast og slappa af þegar ekkert er að gerast. Þegar hann er farinn að skilja að það borgar sig að vera rólegur máttu byrja að lengja á milli þess sem hann fær nammið. Þessa slökunaræfingu er gott að æfa á stól við borð svo það líkist kaffihúsi. Ég mæli með að æfa í 10 mínútur í senn, einu sinni, tvisvar eða þrisvar á dag þar til hann skilur æfinguna. Það getur verið að hundurinn þurfi marga nammibita á stuttum tíma til að byrja með, þess vegna þurfa bitarnir að vera mjög litlir og auðveldir að tyggja eða helst gleypa. Síðan má minnka nammið þegar hundurinn er orðinn vanur því að liggja slakur. Þá er bestað gefa nammi stundum og stundum ekki.
Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Lofar svakalegri veislu Tónlist Arnar Þór selur Arnarneshöllina Lífið Heilmikil skemmtidagskrá og samsöngur á Þingvöllum í dag Lífið Tengdasonur Íslands trúðaði Simon Cowell upp úr skónum Bíó og sjónvarp Hvers vegna tölum við um bongóblíðu? Lífið Fleiri fréttir Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Sjá meira