Séra Geir spáir fleiri kærum með nýjum reglum um prestskosningar Garðar Örn Úlfarsson skrifar 16. nóvember 2017 06:00 Séra Geir Waage í Reykholti í ræðustól á nýafstöðnu kirkjuþingi. Fréttablaðið/Anton Brink Tillaga löggjafarnefndar kirkjuþings um breytingar á reglum um kjör presta hlaut óblíðar móttökur á þinginu í gær. Meðal annars átti að gera að skilyrði að kjörnefndir í sóknum yrðu að vera fullskipaðar þegar gengið væri til kjörs á presti. Margir kirkjuþingsmenn voru þessu algerlega andvígir og gerði Agnes M. Sigurðardóttir biskup breytingartillögu. „Margar ástæður geta leitt til þess að kjörnefndarfólk forfallast,“ benti biskup á. Hún sagði „algerlega óraunhæft“ að mæla fyrir um hundrað prósent mætingu á kjörnefndarfund og lagði til í staðinn skilyrði um að tvo þriðju hluta kjörmanna þyrfti á fund þar sem prestur væri kjörinn. „Ég undrast það að nefndin sem hér fjallar um málið skuli ekki vilja hlusta á reynslu okkar,“ sagði séra Gísli Jónasson sem tók undir með biskupi. Greinilegt væri að ókunnugleiki meðlima löggjafarmanna væri svo mikill „að það er varla vansalaust“, eins og hann orðaði það. „Ég upplifi það sem blauta tusku í andlitið á mér,“ bætti hann svo við. Fleiri tóku undir þessi sjónarmið og var hlé gert á fundi svo löggjafarnefndin gæti fundað um málið aftur. Eftir hlé kynnti síðan séra Skúli Sigurður Ólafsson breytingar. Í þeim fólst meðal annars að kjör prests teljist ekki gilt nema kjörnefnd sé skipuð að lágmarki tveimur þriðju hlutum fulltrúa. Að auki þyrfti meirihluta allra kjörnefndarmanna, líka að meðtöldum þeim sem ekki væru mættir, til að prestur teldist kjörinn. Þá var lagt til að kæmist kjörnefndin ekki að niðurstöðu gæti biskup skipað í embættið eða framlengt umsóknarfrest. Við þessar tillögur urðu aðrir ósáttir. „Það er mér hreint ekki ljúft að sætta mig við það að það sé gefinn einhver afsláttur á kjörnefnd. Við erum að tala um það að velja prest til starfa,“ sagði Stefán Magnússon. „Annaðhvort er fundurinn löglegur eða ekki og yfirleitt er það þannig á fundum að meirihlutinn ræður,“ sagði séra Gísli Gunnarsson sem gagnrýndi það að gerð væri krafa um að meirihluta þyrfti í atkvæðagreiðslu í kjörnefnd líkt og um fullskipaða nefnd væri að ræða þótt aðeins tveir þriðju hlutar kjörmannanna væru mættir. Séra Geir Waage sagði að með tillögu biskups og fleiri væri augljóslega aukið á flækjustig við kjör presta. „Sú regla sem lögð er til að kjörið gangi til biskups nái kjörnefnd ekki að kjósa á kjörfundi með tilskildum meirihluta er fengin úr gömlu valreglunum. Ég bendi á að þetta opnar á ný fyrir kærurnar sem voru meginástæða þess að biskup mæltist til þess við kirkjuþing að frá valnefndarreglunum yrði horfið,“ sagði séra Geir sem kvaðst þó láta gott heita líkt og Stefán Magnússon þótt honum væri það ekki ljúft. „En ég er því viðbúinn að á næsta kirkjuþingi eða mjög fljótlega verði uppi þær aðstæður að við eigum fárra kosta völ annarra en að hverfa aftur að almennum prestskosningum. Það er líklega sú aðferð, hvort sem mönnum líkar það betur eða verr, sem fæsta og minnst flókna eftirmála kann að hafa.“ Kirkjuþingi var frestað í gær en verður framhaldið eftir áramót. Birtist í Fréttablaðinu Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent „Heill vinnustaður er dreginn sundur og saman í háði“ Innlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Fleiri fréttir Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Sjá meira
Tillaga löggjafarnefndar kirkjuþings um breytingar á reglum um kjör presta hlaut óblíðar móttökur á þinginu í gær. Meðal annars átti að gera að skilyrði að kjörnefndir í sóknum yrðu að vera fullskipaðar þegar gengið væri til kjörs á presti. Margir kirkjuþingsmenn voru þessu algerlega andvígir og gerði Agnes M. Sigurðardóttir biskup breytingartillögu. „Margar ástæður geta leitt til þess að kjörnefndarfólk forfallast,“ benti biskup á. Hún sagði „algerlega óraunhæft“ að mæla fyrir um hundrað prósent mætingu á kjörnefndarfund og lagði til í staðinn skilyrði um að tvo þriðju hluta kjörmanna þyrfti á fund þar sem prestur væri kjörinn. „Ég undrast það að nefndin sem hér fjallar um málið skuli ekki vilja hlusta á reynslu okkar,“ sagði séra Gísli Jónasson sem tók undir með biskupi. Greinilegt væri að ókunnugleiki meðlima löggjafarmanna væri svo mikill „að það er varla vansalaust“, eins og hann orðaði það. „Ég upplifi það sem blauta tusku í andlitið á mér,“ bætti hann svo við. Fleiri tóku undir þessi sjónarmið og var hlé gert á fundi svo löggjafarnefndin gæti fundað um málið aftur. Eftir hlé kynnti síðan séra Skúli Sigurður Ólafsson breytingar. Í þeim fólst meðal annars að kjör prests teljist ekki gilt nema kjörnefnd sé skipuð að lágmarki tveimur þriðju hlutum fulltrúa. Að auki þyrfti meirihluta allra kjörnefndarmanna, líka að meðtöldum þeim sem ekki væru mættir, til að prestur teldist kjörinn. Þá var lagt til að kæmist kjörnefndin ekki að niðurstöðu gæti biskup skipað í embættið eða framlengt umsóknarfrest. Við þessar tillögur urðu aðrir ósáttir. „Það er mér hreint ekki ljúft að sætta mig við það að það sé gefinn einhver afsláttur á kjörnefnd. Við erum að tala um það að velja prest til starfa,“ sagði Stefán Magnússon. „Annaðhvort er fundurinn löglegur eða ekki og yfirleitt er það þannig á fundum að meirihlutinn ræður,“ sagði séra Gísli Gunnarsson sem gagnrýndi það að gerð væri krafa um að meirihluta þyrfti í atkvæðagreiðslu í kjörnefnd líkt og um fullskipaða nefnd væri að ræða þótt aðeins tveir þriðju hlutar kjörmannanna væru mættir. Séra Geir Waage sagði að með tillögu biskups og fleiri væri augljóslega aukið á flækjustig við kjör presta. „Sú regla sem lögð er til að kjörið gangi til biskups nái kjörnefnd ekki að kjósa á kjörfundi með tilskildum meirihluta er fengin úr gömlu valreglunum. Ég bendi á að þetta opnar á ný fyrir kærurnar sem voru meginástæða þess að biskup mæltist til þess við kirkjuþing að frá valnefndarreglunum yrði horfið,“ sagði séra Geir sem kvaðst þó láta gott heita líkt og Stefán Magnússon þótt honum væri það ekki ljúft. „En ég er því viðbúinn að á næsta kirkjuþingi eða mjög fljótlega verði uppi þær aðstæður að við eigum fárra kosta völ annarra en að hverfa aftur að almennum prestskosningum. Það er líklega sú aðferð, hvort sem mönnum líkar það betur eða verr, sem fæsta og minnst flókna eftirmála kann að hafa.“ Kirkjuþingi var frestað í gær en verður framhaldið eftir áramót.
Birtist í Fréttablaðinu Mest lesið Þurftu að farga 30 þúsund eintökum vegna forsetaframboðs Innlent Vitni gefur ekki upp nafn vegna ótta við hefndaraðgerðir Innlent Forsetavaktin 2024: Hver verður sjöundi forseti lýðveldisins? Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent „Heill vinnustaður er dreginn sundur og saman í háði“ Innlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Fleiri fréttir Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Sjá meira