Úttekt á endurmenntun í ráðuneytum

Endurmenntun innan stjórnarráðsins er til skoðunar hjá Ríkisendurskoðun. Litlar upplýsingar liggja fyrir um kostnað, umfang og ávinning endurmenntunar starfsmanna ráðuneytanna og mjög skortir á heildaryfirsýn og skipulagt utanumhald hennar, samkvæmt forkönnun Ríkisendurskoðunar sem vinnur nú stjórnsýsluúttekt á þessu sviði.

Markmið úttektarinnar er að leiða í ljós áhrif endurmenntunar og hvort staðið sé að henni með hagkvæmum og árangursríkum hætti. Niðurstaða úttektarinnar verður kynnt með skýrslu til Alþingis síðar í haust.