Mabbutt kominn heim eftir hjartaaðgerð

Fyrrum fyrirliði Tottenham, Gary Mabbutt, er á fínum batavegi eftir að hafa gengist undir hjartaaðgerð.

Hinn 55 ára gamli Mabbutt lagðist undir hnífinn í London í gær eftir að hann fékk mikla brjóstverki og var með öndurerfiðleika.

Þar sem Mabbutt er goðsögn hjá Spurs kom eðlilega fréttatilkynnning frá félaginu um að hann væri á batavegi og kominn heim til sín.

Mabbutt lék á sínum tíma yfir 600 leiki fyrir Spurs og var fyrirliði liðsins er það vann bikarkeppnina árið 1991.