Rappelíta Íslands endurgerði Skólarapp

Flestir landsmenn ættu að kannast við lagið Skólarapp í flutningi Þorvalds Davíðs Kristjánssonar og Söru Dísar Hjaltested.

Í tilefni af degi rauða nefsins fékk lagið nýjan búning. Það var frumflutt í útsendingu RÚV nú í kvöld sem er haldin í samvinnu við UNICEF á Íslandi.

Tónlistarmennirnir Helgi Sæmundur og Auður settu lagið í nýjan búning og voru rúmlega 20 rapparar fengnir til að glæða lagið nýju lífi. Þar á meðal eru Aron Can, Blaz Roca, Reykjavíkurdætur og 101 Boys.

Í myndbandinu sem má sjá hér fyrir neðan má sjá afraksturinn og þar má sjá þeim Þorvaldi Davíð og Söru Dís bregða fyrir í nýjum hlutverkum.

Einnig má sjá stórskemmtilegt innslag þar sem Dóri DNA ræðir við Þorvald Davíð og Söru Dís og fær að vita allt um það hvernig Skólarapp varð til.