Eðli mannsins er engum óviðkomandi Guðrún Jóna Stefánsdóttir skrifar 13. apríl 2017 11:00 Leikarinn Jóhannes Haukur Jóhannesson stjórnar umræðunum um Pablo Escobar. Vísir/Anton „Það er alltaf forvitnilegt og áhugavert að kynna sér merkilega atburði. Saga Pablos Escobar og mannanna sem áttu þátt í að binda enda á veldi hans er löng og margslungin,“ segir Jóhannes Haukur Jóhannesson leikari en hann mun stjórna umræðum í Hörpu um hættulegasta eiturlyfjabarón heims, konung kókaínsins, sjálfan Pablo Escobar. „DEA“-fulltrúarnir Javier Pena og Steve Murphy, mennirnir sem felldu Pablo Escobar, mæta á svæðið og ræða málið frá áhugaverðum vinklum. „Við fáum að kynnast raunverulegu lögreglumönnunum sem áttu stóran þátt í að fella hann. Saga þeirra Javiers og Steves er grundvöllurinn að framvindu og sögu Netflix-þáttaseríunnar Narcos sem slegið hefur í gegn um allan heim,“ segir Jóhannes Haukur spenntur.Pablo Escobar ásamt eiginkonu sinni, Victoríu Henao.Það er óhætt að segja að nánast allir eru spenntir og forvitnir að vita meira um þetta mál. „Við sem manneskjur höfum alltaf áhuga á sögum um fólk, ekki síst svo við getum speglað okkur í þeim sjálf. Að fá að kynnast manni eins og Pablo Escobar í gegnum tuttugu klukkustundir af leiknu sjónvarpsefni er afskaplega magnað,“ segir Jóhannes Haukur og bætir við að þetta veki svo margar spurningar um mannlegt eðli.Geta Íslendingar tengt við mál af þessu tagi? „Hiklaust. Rétt eins og með allt sammannlegt. Eðli mannsins er okkur ekki óviðkomandi frekar en öðrum,“ segir Jóhannes. Óhætt er að segja að Javier Pena og Steve Murphy séu algjörir sérfræðingar á sínum sviðum en árið 1984 gekk Pena til liðs við bandarísku fíkniefnalögregluna þar sem hann tók að sér verkefni í Bogotá, höfuðborg Kólumbíu. Það var þá sem hann og félagi hans, Steve Murphy, ákváðu að þeir skyldu leggja Pablo Escobar og Medellín fíkniefnahringinn að velli. Í dag er hann talinn vera einn helsti sérfræðingur heims í Medellín-málinu. DEA-fulltrúarnir Javier Pena og Steve Murphy, mennirnir sem felldu Pablo Escobar.Vísir/GettyÁ kvöldinu sjálfu mun Jóhannes stjórna umræðum eftir að þeir félagar hafa lokið erindi sínu. „Gestir fá þarna einstakt tækifæri til að spyrja þessa menn spjörunum úr. Það er örugglega margt sem brennur á fólki eftir áhorf á þættina. Ekki síst hvað varðar muninn á raunverulegu atburðunum og því sem kemur fram í þáttunum. Því þótt þeir séu byggðir á raunverulegri atburðarás þá er það þannig í svona þáttum að það er alltaf eitthvert listrænt frelsi tekið til að mynda frásögn sem inniheldur dramatíska boga sem henta forminu,“ segir Jóhannes. Undirbúningur fyrir kvöldið er í hámarki og Jóhannes segist liggja yfir þáttunum, ásamt því að lesa sér til um söguna á bak við Pablo Escobar. „Ég hlakka orðið mikið til að hitta þessa menn, alvöru hetjur. Sjálfur hef ég fullt af spurningum handa þeim og ég er viss um að íslenskir áhorfendur hafa líka fullt af áhugaverðum spurningum. Ég bíð spenntur eftir þessu kvöldi,“ segir Jóhannes að lokum. Menning Netflix Mest lesið Andrea Róberts keypti einbýli sem þarfnast ástar Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Katrín Edda og Markus opinbera kynið Lífið Myndaveisla: Patrik fagnaði PBT 2.0 með tónlistarveislu við höfnina Tónlist Vandamálið við fætur, þeir eru í laginu eins og fætur Lífið samstarf Gæti orðið að Gísla á Uppsölum ef hún ögrar sér ekki Lífið „Þetta er enginn helvítis félagskvíði, það bara þolir mig enginn“ Áskorun Greta Salóme og Elvar eiga von á sínu öðru barni Lífið Einn handritshöfunda Simpsons á Íslandi Lífið Fleiri fréttir Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
„Það er alltaf forvitnilegt og áhugavert að kynna sér merkilega atburði. Saga Pablos Escobar og mannanna sem áttu þátt í að binda enda á veldi hans er löng og margslungin,“ segir Jóhannes Haukur Jóhannesson leikari en hann mun stjórna umræðum í Hörpu um hættulegasta eiturlyfjabarón heims, konung kókaínsins, sjálfan Pablo Escobar. „DEA“-fulltrúarnir Javier Pena og Steve Murphy, mennirnir sem felldu Pablo Escobar, mæta á svæðið og ræða málið frá áhugaverðum vinklum. „Við fáum að kynnast raunverulegu lögreglumönnunum sem áttu stóran þátt í að fella hann. Saga þeirra Javiers og Steves er grundvöllurinn að framvindu og sögu Netflix-þáttaseríunnar Narcos sem slegið hefur í gegn um allan heim,“ segir Jóhannes Haukur spenntur.Pablo Escobar ásamt eiginkonu sinni, Victoríu Henao.Það er óhætt að segja að nánast allir eru spenntir og forvitnir að vita meira um þetta mál. „Við sem manneskjur höfum alltaf áhuga á sögum um fólk, ekki síst svo við getum speglað okkur í þeim sjálf. Að fá að kynnast manni eins og Pablo Escobar í gegnum tuttugu klukkustundir af leiknu sjónvarpsefni er afskaplega magnað,“ segir Jóhannes Haukur og bætir við að þetta veki svo margar spurningar um mannlegt eðli.Geta Íslendingar tengt við mál af þessu tagi? „Hiklaust. Rétt eins og með allt sammannlegt. Eðli mannsins er okkur ekki óviðkomandi frekar en öðrum,“ segir Jóhannes. Óhætt er að segja að Javier Pena og Steve Murphy séu algjörir sérfræðingar á sínum sviðum en árið 1984 gekk Pena til liðs við bandarísku fíkniefnalögregluna þar sem hann tók að sér verkefni í Bogotá, höfuðborg Kólumbíu. Það var þá sem hann og félagi hans, Steve Murphy, ákváðu að þeir skyldu leggja Pablo Escobar og Medellín fíkniefnahringinn að velli. Í dag er hann talinn vera einn helsti sérfræðingur heims í Medellín-málinu. DEA-fulltrúarnir Javier Pena og Steve Murphy, mennirnir sem felldu Pablo Escobar.Vísir/GettyÁ kvöldinu sjálfu mun Jóhannes stjórna umræðum eftir að þeir félagar hafa lokið erindi sínu. „Gestir fá þarna einstakt tækifæri til að spyrja þessa menn spjörunum úr. Það er örugglega margt sem brennur á fólki eftir áhorf á þættina. Ekki síst hvað varðar muninn á raunverulegu atburðunum og því sem kemur fram í þáttunum. Því þótt þeir séu byggðir á raunverulegri atburðarás þá er það þannig í svona þáttum að það er alltaf eitthvert listrænt frelsi tekið til að mynda frásögn sem inniheldur dramatíska boga sem henta forminu,“ segir Jóhannes. Undirbúningur fyrir kvöldið er í hámarki og Jóhannes segist liggja yfir þáttunum, ásamt því að lesa sér til um söguna á bak við Pablo Escobar. „Ég hlakka orðið mikið til að hitta þessa menn, alvöru hetjur. Sjálfur hef ég fullt af spurningum handa þeim og ég er viss um að íslenskir áhorfendur hafa líka fullt af áhugaverðum spurningum. Ég bíð spenntur eftir þessu kvöldi,“ segir Jóhannes að lokum.
Menning Netflix Mest lesið Andrea Róberts keypti einbýli sem þarfnast ástar Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Katrín Edda og Markus opinbera kynið Lífið Myndaveisla: Patrik fagnaði PBT 2.0 með tónlistarveislu við höfnina Tónlist Vandamálið við fætur, þeir eru í laginu eins og fætur Lífið samstarf Gæti orðið að Gísla á Uppsölum ef hún ögrar sér ekki Lífið „Þetta er enginn helvítis félagskvíði, það bara þolir mig enginn“ Áskorun Greta Salóme og Elvar eiga von á sínu öðru barni Lífið Einn handritshöfunda Simpsons á Íslandi Lífið Fleiri fréttir Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira