Ítalir vilja launaða frídaga vegna blæðinga Nína Hjördís Þorkelsdóttir skrifar 25. mars 2017 22:54 Meirihluti kvenna glímir við sársaukafulla tíðaverki einhvern tímann á lífsleiðinni. vísir/getty Neðri deild ítalska þingsins hefur hafið umræður um frumvarp til laga sem skylda fyrirtæki til þess að gefa konum sem þjást af sársaukafullum tíðaverkjum þrjá frídaga í mánuði. Frídagarnir yrðu launaðir að fullu. Greint er frá þessu í Independent. Þrátt fyrir að fjölmargir Ítalir hafi lýst yfir ánægju sinni með tillöguna hefur hún einnig verið gagnrýnd, jafnvel af konum sem taka virkan þátt í atvinnulífinu. Helsti ótti þeirra er að lögin komi til með að hafa þveröfug áhrif og virki hamlandi fyrir konur sem eiga erfitt uppdráttar á vinnumarkaðnum nú þegar. „Ef konur fá þrjá launaða frídaga aukalega í mánuði, þá er miklu líklegra að vinnuveitendur ráði frekar karla til starfa í stað kvenna,“ skrifaði Lorenza Pleuteri í ítalska kvennablaðið Donna Moderna. Aðeins 61 prósent ítalskra kvenna vinna utan heimilisins en til samanburðar má nefna að atvinnuþátttaka kvenna hér á landi er 78 prósent.Ítalska þingið í Róm.vísir/gettyÞessi kynjahalli er eflaust orsakaður af mörgum þáttum en sumir hafa skellt skuldinni á hina ítölsku löggjöf um barneignarleyfi. Samkvæmt henni er vinnuveitendum skylt að veita nýbökuðum mæðrum fimm mánuði í leyfi og greiða þeim 80 prósent af launum þeirra. Mörgum þykir þessar reglur hljóma vel á blaði en þó eru uppi meiningar um að vinnuveitendur kjósi heldur að ráða karla en konur vegna þeirra. Var þessi orðrómur að mörgu leyti staðfestur í skýrslu tölfræðistofnunar Ítalíu en þar kom fram að næstum fjórðungi ófrískra kvenna á vinnumarkaði er sagt upp meðan á meðgöngu stendur eða stuttu eftir barnsburð. „Konur eru nú þegar að taka sér frídaga vegna tíðaverkja en nýju lögin myndu gera þeim kleift að halda því áfram án þess að taka sér veikindaleyfi eða notast við önnur úrræði,“ sagði hagfræðingurinn Daniela Piazzalunga í samtali við Independent. „Hins vegar get ég ekki útilokað að áhrif laganna gætu orðið neikvæð: Eftirspurn fyrirtækja eftir kvenkyns starfsfólki gæti minnkað eða þá að konum verði refsað enn frekar bæði hvað varðar laun og hreyfanleika í starfi.“Kínverska sundkonan Fu Yuanhui vakti athygli á ÓL í Ríó vegna ummæla sinna um blæðingar. Kínverjar eru á meðal þeirra sem veita frí í vinnu vegna tíða.vísir/gettySlæmir tíðaverkir eru afar algengir á meðal kvenna, sérstaklega hjá konum undir þrítugu. Talið er að flestar konur upplifi tíðaverki reglulega en misjafnt er milli einkstaklinga hve algengir verkirnir eru og hversu sárir. Í því tilliti má geta þess að um 25 prósent kvenna þjást af kvilla sem nefnist tíðaþrautir en hann lýsir sér í einstaklega slæmum verkjum sem stundum fylgja ógleði, niðurgangur, höfuðverkur og svimi. Hugmyndin um launað frí á meðan tíðum stendur er ekki ný af nálinni. Gedis Grudzinskas, kvensjúkdómalæknir á Harley Street-sjúkrahúsinu í Lundúnum, hefur talað fyrir því árum saman að æskilegt væri að veita konum launað leyfi vegna blæðinga. „Karlar þurfa ekki að verða barnshafandi og fæða börn. Þeir munu aldrei skilja þetta,“ sagði hann í samtali við vefmiðilinn HC Online. Ef frumvarpið sem rætt er á ítalska þinginu verður að lögum mun Ítalía verða fyrsta vestræna ríkið til þess að veita konum launað leyfi vegna blæðinga. Nú þegar hefur slíkt verið gert í Suður-Kóreu, Taívan, Indónesíu, Japan og nokkrum héruðum í Kína. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent „Fann það þegar ég vaknaði í morgun að þetta var lúmskt áfall“ Innlent Sautján greinst með kíghósta og inflúensan enn að dreifa sér Innlent Katrín efst en Jón hrynur í nýrri könnun Innlent Vilja svör um möguleg „óþægileg hagsmunatengsl“ borgar og RÚV Innlent Horfði á þegar vinur hans réðst á manninn sem braut á dóttur hans Innlent Segja frumvarp um gyðingaandúð í andstöðu við Biblíuna Erlent Kolbeinn Sigþórsson ákærður fyrir brot gegn barnungri stúlku Innlent Tyrkir stöðva öll viðskipti við Ísrael Erlent Rússar og Bandaríkjamenn í návígi á herstöð í Níger Fréttir Fleiri fréttir Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Sjá meira
Neðri deild ítalska þingsins hefur hafið umræður um frumvarp til laga sem skylda fyrirtæki til þess að gefa konum sem þjást af sársaukafullum tíðaverkjum þrjá frídaga í mánuði. Frídagarnir yrðu launaðir að fullu. Greint er frá þessu í Independent. Þrátt fyrir að fjölmargir Ítalir hafi lýst yfir ánægju sinni með tillöguna hefur hún einnig verið gagnrýnd, jafnvel af konum sem taka virkan þátt í atvinnulífinu. Helsti ótti þeirra er að lögin komi til með að hafa þveröfug áhrif og virki hamlandi fyrir konur sem eiga erfitt uppdráttar á vinnumarkaðnum nú þegar. „Ef konur fá þrjá launaða frídaga aukalega í mánuði, þá er miklu líklegra að vinnuveitendur ráði frekar karla til starfa í stað kvenna,“ skrifaði Lorenza Pleuteri í ítalska kvennablaðið Donna Moderna. Aðeins 61 prósent ítalskra kvenna vinna utan heimilisins en til samanburðar má nefna að atvinnuþátttaka kvenna hér á landi er 78 prósent.Ítalska þingið í Róm.vísir/gettyÞessi kynjahalli er eflaust orsakaður af mörgum þáttum en sumir hafa skellt skuldinni á hina ítölsku löggjöf um barneignarleyfi. Samkvæmt henni er vinnuveitendum skylt að veita nýbökuðum mæðrum fimm mánuði í leyfi og greiða þeim 80 prósent af launum þeirra. Mörgum þykir þessar reglur hljóma vel á blaði en þó eru uppi meiningar um að vinnuveitendur kjósi heldur að ráða karla en konur vegna þeirra. Var þessi orðrómur að mörgu leyti staðfestur í skýrslu tölfræðistofnunar Ítalíu en þar kom fram að næstum fjórðungi ófrískra kvenna á vinnumarkaði er sagt upp meðan á meðgöngu stendur eða stuttu eftir barnsburð. „Konur eru nú þegar að taka sér frídaga vegna tíðaverkja en nýju lögin myndu gera þeim kleift að halda því áfram án þess að taka sér veikindaleyfi eða notast við önnur úrræði,“ sagði hagfræðingurinn Daniela Piazzalunga í samtali við Independent. „Hins vegar get ég ekki útilokað að áhrif laganna gætu orðið neikvæð: Eftirspurn fyrirtækja eftir kvenkyns starfsfólki gæti minnkað eða þá að konum verði refsað enn frekar bæði hvað varðar laun og hreyfanleika í starfi.“Kínverska sundkonan Fu Yuanhui vakti athygli á ÓL í Ríó vegna ummæla sinna um blæðingar. Kínverjar eru á meðal þeirra sem veita frí í vinnu vegna tíða.vísir/gettySlæmir tíðaverkir eru afar algengir á meðal kvenna, sérstaklega hjá konum undir þrítugu. Talið er að flestar konur upplifi tíðaverki reglulega en misjafnt er milli einkstaklinga hve algengir verkirnir eru og hversu sárir. Í því tilliti má geta þess að um 25 prósent kvenna þjást af kvilla sem nefnist tíðaþrautir en hann lýsir sér í einstaklega slæmum verkjum sem stundum fylgja ógleði, niðurgangur, höfuðverkur og svimi. Hugmyndin um launað frí á meðan tíðum stendur er ekki ný af nálinni. Gedis Grudzinskas, kvensjúkdómalæknir á Harley Street-sjúkrahúsinu í Lundúnum, hefur talað fyrir því árum saman að æskilegt væri að veita konum launað leyfi vegna blæðinga. „Karlar þurfa ekki að verða barnshafandi og fæða börn. Þeir munu aldrei skilja þetta,“ sagði hann í samtali við vefmiðilinn HC Online. Ef frumvarpið sem rætt er á ítalska þinginu verður að lögum mun Ítalía verða fyrsta vestræna ríkið til þess að veita konum launað leyfi vegna blæðinga. Nú þegar hefur slíkt verið gert í Suður-Kóreu, Taívan, Indónesíu, Japan og nokkrum héruðum í Kína.
Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent „Fann það þegar ég vaknaði í morgun að þetta var lúmskt áfall“ Innlent Sautján greinst með kíghósta og inflúensan enn að dreifa sér Innlent Katrín efst en Jón hrynur í nýrri könnun Innlent Vilja svör um möguleg „óþægileg hagsmunatengsl“ borgar og RÚV Innlent Horfði á þegar vinur hans réðst á manninn sem braut á dóttur hans Innlent Segja frumvarp um gyðingaandúð í andstöðu við Biblíuna Erlent Kolbeinn Sigþórsson ákærður fyrir brot gegn barnungri stúlku Innlent Tyrkir stöðva öll viðskipti við Ísrael Erlent Rússar og Bandaríkjamenn í návígi á herstöð í Níger Fréttir Fleiri fréttir Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Sjá meira