Bein útsending: Kvöldfréttir Stöðvar 2

Stjórn United Silicon hefur kært Magnús Ólaf Garðarsson, fyrrverandi forstjóra og stofnanda fyrirtækisins, til Embættis héraðssaksóknara vegna gruns um stórfelld auðgunarbrot og skjalafals frá árinu 2014. Fjárhæðirnar hlaupa á hundruðum milljóna að sögn talsmanns fyrirtækisins. Ítarlega verður fjallað um málið í fréttum Stöðvar 2 á slaginu hálf sjö.

Þar fylgjumst við líka með norsku þingkosningunum sem fram fóru í dag, sem eru þær mest spennandi í áraráðir og ljóst að mjótt verður á munum á milli vinstri og hægri manna.

Þá skoðum við fyrirhugaðar framkvæmdir við Kringlumýrarbraut sem hefjast á morgun, en þær koma til með að valda miklum umferðartöfum næstu vikurnar. Vegagerðin hvetur fólk sem á leið um svæðið til að taka strætó eða hjóla.

Þetta og margt fleira í fréttum á samtengdum rásum Bylgjunnar, Stöðvar 2 og Vísis á slaginu 18.30.