Maíspá Siggu Kling - Fiskarnir: Þú ert með hamingjuna í vasanum

Elsku Fiskurinn minn, það mun þvílík rómantík fylgja þér inn í sumarið, þú átt eftir að elska gamlar myndir og gömul lög og allt sem minnir þig á hið gamla og góða. „Lad det swinge lad det rock'n roll“ er aflið sem þú ferð með inn í þetta sumar. Fyrir utan þennan eiginleika áttu það líka til að láta fólk tæta þig smá í sundur og gera lítið úr því hvað þú ert mikill rómantíker. Þú ert að fara inn í þennan tíma eins og þú sért DJ í þinni eigin rokkóperu og þurfir að senda út kraft og lög sem þér finnst eiga að vera spiluð í þínu lífi.

Það er enginn að dansa þetta atriði eins og þú elskan mín því þú ert með einstakt hlutverk í þessu leikriti sem heitir líf. Það er mjög mikilvægt að þú vaðir áfram, segir hvað þér finnst og bíðir ekki eftir annarra manna skoðunum, heldur semjir það sem þig vantar í þínum eigin stíl.

Þú ert svo tilfinningaríkur að þú gætir dáið úr tilfinningasemi og ef þú værir blóm þá myndir þú skyggja á alla aðra. Með þessu verður þú skilja að þú ert fyrirmynd fyrir öll hin blómin til þess að verða stærri, betri og fallegri.

Ekki vera í vafa um hvort þú getir sungið, ræktað, klippt eða talað í útvarpi – eða hvað sem er. Vegna þess að það að vera fyrirmynd er nóg til þess að þú lútir höfði og verðir ánægður. Þú ert í tilfinningaríkasta merkinu og ættir að semja bók, gefa út disk, mynd, vera duglegur á Snapchat eða eitthvað sem tengist almenningi. Það eru svo margir ástfangnir af þér en þú þarft fyrst og fremst að elska sjálfan þig til að elska.

Þú ert með hamingjuna í vasanum og hún er nákvæmlega hér og nú yfir þér svo róaðu hugann og segðu: „Mikið rosalega er ég heppinn.“

Mottó: Þeir síðustu eru ekki fyrstir svo syntu af stað!

Knús og kossar, Sigga Kling

Frægir Fiskar: Elísabet Ásberg listamaður, Beggi hans Pacasar, Baltasar Kormákur leikstjóri, Díana Ómel fjöllistakona, Árni Johnsen, fyrrverandi þingmaður, Albert Einstein, Sigmundur Davíð Gunnlaugsson forsætisráðherra, Vigdís Hauksdóttir þingkona, Ilmur Kristjánsdóttir leikkona, Svavar Örn engill, Páll Óskar poppstjarna, Katla Sign og Baby Kling, Lína Rut listaperla.