Schmeichel framlengir við meistarana

Kasper Schmeichel hefur skrifað undir nýjan fimm ára samning við ensku meistarana í Leicester.

Schmeichel sem er 29 ára hefur spilað 220 leiki fyrir Leicester síðan hann kom frá Leeds United frá 2011 og spilaði allar mínúturnar í vetur þegar Leicester tryggði sér meistaratitilinn.

„Þetta er frábært og ég get ekki beðið eftir að tímabilið byrjar aftur. Þetta var mjög auðveld ákvörðun,” sagði Schmeichel í samtali við heimasíðu Englandsmeistarana.

„Það var ákveðið ferli að koma aftur eftir að hafa unnið ensku úrvalsdeildina og vera ákveðinn í að hungrið væri það sama hjá mér og leikmannahópnum. Ég kom til baka staðráðinn í að þetta væri staðurinn fyrir mig til þess að vera.”

„Við höfum tekið risastór skref og síðan ég kom hefur þetta verið frábært. Ég hef elskað þetta síðan ég kom,” sagði Schmeichel.

Nýji samningurinn heldur Dananum hjá félaginu til 2021, en hann hefur meðal annars spilað með Man. City, Coventry City og Notts County.