Pakkinn sprengdur upp af sérfræðingum

Pakkinn sem fannst á Old Trafford í dag var sprengdur upp af sprengjusérfræðingum þegar áhorfendurnir voru farnir af vellinum.

Hverfislögreglan greinir frá þessu á Twitter-síðu sinni, en Vísir greindi frá því fyrr í dag að sprengjusérfræðingar voru mættir á leikvanginn.

Tæma þurfti leikvanginn fyrir leikinn þar sem grunsamlegur pakki fannst, en hann var svo sprengdur upp af sérfræðingum.

Enn er óvíst hvenær leikurinn verður spilaður, en Vísir mun fylgjast áfram með gangi mála.