Stuðningsmenn franska landsliðsins kunna vel að meta íslensku stuðningsmennina ef marka má myndband sem birt var á Twitter í kvöld og sýnir Frakkana standa heiðursvörð við einn af útgöngum Stade de France fyrir Íslendingum.



Þeir frönsku klappa þeim íslensku lof í lófa en frammistaða íslensku stuðningsmannanna á mótinu hefur vakið athygli víða um heim, líkt og frammistaða íslenska landsliðsins sem datt úr keppni í kvöld þegar það laut í lægra haldi fyrir Frökkum, 5-2.



Myndband af þessu fallega augnabliki á Stade de France má sjá hér að neðan.

France fans clapped Iceland fans out of stadium after tonight's match. Football isn't all bad. #euro2016 #FRAISL pic.twitter.com/ZdGOJseW7F

— Matt Lamprell (@MattLamprell) July 3, 2016