Innlent

Siggi hakkari í þriggja ára fangelsi fyrir kyn­ferðis­brot gegn níu drengjum

Sunna Kristín Hilmarsdóttir skrifar
Sigurður Ingi Þórðarson.
Sigurður Ingi Þórðarson. vísir/stefán

Sigurður Ingi Þórðarson, betur þekktur sem Siggi hakkari, var í gær dæmdur í þriggja ára fangelsi fyrir kynferðisbrot gegn níu drengjum. Dómurinn féll í Héraðsdómi Reykjaness en Sigurður kom fyrir dóminn þann 28. ágúst síðastliðinn og játaði sök í öllum ákæruliðum.



Um tugi brota er að ræða en Sigurður braut 40 sinnum á einum piltinum og 15 sinnum á öðrum. Sigurður var jafnframt dæmdur til greiðslu alls sakarkostnaðar sem var alls um 6 milljónir króna. Þá var hann dæmdur til að greiða piltunum níu alls 8,6 milljónir í skaðabætur.



Sigurður hefur áður verið dæmdur fyrir kynferðisbrot. Í febrúar í fyrra var hann dæmdur í átta mánaða fangelsi fyrir að tæla 17 ára pilt til kynferðimaka. Þeirri afplánun lauk Sigurður þann 2. nóvember en eftir það sat hann í gæsluvarðhaldi. Hann afplánar nú tveggja ára fangelsisdóm vegna fjársvika sem féll þann 22. desember í fyrra.



Uppfært 25. september klukkan 10:48

Dómurinn hefur verið birtur á vef Héraðsdóms Reykjaness og má nálgast hér.


Tengdar fréttir

Siggi hakkari í tveggja ára fangelsi

Sigurður Ingi Þórðarson, betur þekktur sem Siggi hakkari, hefur verið dæmdur í tveggja ára óskilorðsbundið fangelsi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×