Gæsaveiðin að hefjast

Upphafi veiðitímabils á grágæs og heiðagæs hefur verið seinkað frá 20. ágúst til 1. september á austursvæði Vatnajökulsþjóðgarðs.

Umhverfisstofnun minnir veiðimenn jafnframt á að óheimilt er að skjóta ófleyga fugla en í upphafi veiðitímabilsins má búast við að rekast á ófleyga unga, sérstaklega á svæðum þar sem varp hefur farið seint af stað.

Einnig er minnt á alfriðun blesgæsarinnar en hún hefur verið friðuð síðan 2006 og að veiðar á helsingja í Austur– og Vestur–Skaftafellssýslum hefjast ekki fyrr en 25. september.