Ómar gerir tilraun til að setja fimm Íslandsmet á rafknúnu reiðhjóli

Ómar Ragnarsson stefnir að því að setja Íslandsmet á morgun þegar hann leggur af stað frá Akureyri áleiðis til Reykjavíkur. Hann nefnir þessa aðgerð Orkuskipti þar sem hann ætlar að gera tilraun til að setja nokkur Íslandsmet í einni ferð rafhjólsins Sörla út frá Akureyri til að varpa ljósi á nauðsyn þess að Íslendingar nýti sem fyrst og best einstæða aðstöðu til að skipta um orkugjafa þegar óhjákvæmileg breyting verður á þeim á þessari öld.

Telst tilgangi aðgerðarinnar náð þótt ekki takist nema að setja eitt af fimm hugsanlegum metum.

Fyrsta markmiðið er að setja Íslandsmet í lengstu vegalengd sem rafknúið hjól hefur komist á einni hleðslu fyrir rafafli eingöngu án þess að skipta út rafgeymum, en sérstaklega er tekið fram að fótaafl sé ekki notað.

Annað markmiðið er að setja Íslandsmet í lengstu vegalengd sem rafknúið hjól hefur komist fyrir rafafli eingöngu í einni samfelldri ferð, án þess að skipta út rafgeymum.

Þriðja markmiðið er að setja Íslandsmet í lengstu vegalengd sem rafknúið hjól hefur komist á minna en sólarhring fyrir rafafli eingöngu án þess að skipta út rafgeymi.

Fjórða markmiðið er að setja Íslandsmet í fyrstu ferð rafhjóls fyrir rafafli eingöngu alla leiðina milli Akureyrar og Reykjavíkur.

Fimmta markmiðið er að setja Íslandsmet í ódýrustu orkunotkun farartækis í einni ferð milli Akureyrar og Reykjavíkur.

Ætlunin er að "Aðgerðin Orkuskipti", hjólaleiðangur fyrir rafafli eingöngu frá Akureyri áleiðis til Reykjavíkur, hefjist...

Posted by Omar Ragnarsson on Sunday, August 16, 2015