Bregðast við varasömum plöntum

Umhverfis- og skipulagssvið Reykjavíkurborgar ætlar að grípa til aðgerða vegna útbreiðslu trölla-, húna- og bjarnarklóa í Reykjavík.

Þetta eru plöntur af ættkvíslinni heracleum, en fundist hafa þrjár tegundir sem ganga undir ýmsum nöfnum. Þær eru varasamar því þær innihalda efnasambönd sem geta valdið alvarlegum bruna á húð.

Í sumar hefur verið unnið að því að kortleggja útbreiðslu platnanna en að því loknu verður unnin aðgerðaráætlun og útbúið fræðsluefni um hvernig best sé að bregðast við vandanum.