Breytingar á tímatöflum

Samgöngur Næstkomandi sunnudag breytir Strætó tímatöflum leiða 2, 4, 13, 16, 17 og 18.

Ný vetraráætlun Strætó tók gildi á höfuðborgarsvæðinu í byrjun árs og voru töluverðar úrbætur gerðar á leiðakerfinu í þeirri áætlun. „Reynslan sýnir að ofangreindar leiðir þurfa lengri aksturstíma til þess að halda áætlun. Tvær til sex aukamínútur munu því bætast við hverja leið,“ segir í tilkynningu Strætó. „Að auki mun leið 18 byrja að aka fyrr á morgnana.“ Breytingar má sjá á vef Strætó.