Beðið á bakkanum meðan vindurinn ýfir Tjörnina

Endurnar við Tjörnina kipptu sér hvorki upp við öldurót né nærveru ljósmyndara þegar hann átti leið hjá í gær.

Mögulega hafa þær verið hálfdofnar enn eftir veðravítið um helgina.

Til marks um þau ósköp eru á fjórða hundrað tilkynningar til tryggingafélaga landsins um eignatjón.

„Ég vænti þess að eignatjónið í þessum stormi [um helgina] sé af umfangi sem tryggingafélögin hafa ekki séð í mörg ár,“ sagði Steinunn Hlíf Sigurðardóttir, framkvæmdastjóri tjónasviðs hjá tryggingafélaginu Verði, í samtali við fréttastofu í gær.

Þá hafi borist tilkynningar um annað tjón sem falli ekki undir tryggingar, svo sem skemmdir á trjágróðri.