Stóðu vel að leikskólamálunum

Kópavogsbær og Sveitarfélagið Ölfuss hlutu í gær, á degi leikskólans, Orðsporið 2015.

Um er að ræða hvatningarverðlaun til þeirra sem þykja hafa skarað fram úr í að efla orðspor leikskólastarfs og unnið ötullega í þágu þess og leikskólabarna.

Illugi Gunnarsson, mennta- og menningarmálaráðherra, veitti verðlaunin við hátíðlega athöfn í Björnslundi leikskólans Rauðhóls í Norðlingaholti.

Fram kemur í tilkynningu Kennarasambands Íslands (KÍ) um viðburðinn að í fyrra hafi verið ákveðið að Orðsporið færi til sveitarfélags eða rekstraraðila sem þætti hafa skarað fram úr í hækka menntunarstig starfsmanna og eða fjölga leikskólakennurum.