Ekkert að "slasaða“ fanganum: Var búinn að mæla sér mót við dópsala á sjúkrahúsinu

Ekkert reyndist að fanganum sem fluttur var á sjúkrahús frá Litla-Hrauni fyrr í dag. Umræddur fangi hafði mælt sér mót við fíkniefnasala á sjúkrahúsinu.

Páll Winkel fangelsismálastjóri staðfestir þetta í samtali við Vísi.

Fyrr í dag var greint frá því að fangi hefði slasast alvarlega á hendi á Litla-Hrauni en ekki hafi verið mögulegt að fara með hann á slysadeild fyrr en rúmum klukkutíma síðar.

Páll segir þetta mál undirstika hvers lags fagfólk starfi innan fangelsismálageirans þar sem tókst að koma í veg og sjá í gegnum fléttu fangans.