Hópur manna flaugst á við Seljakirkju

Lögreglan í Reykjavík þurfti að hafa afskipti af hópi manna sem tókst á við Seljakirkju í Breiðholti skömmu eftir klukkan 3 í dag.

Enginn skaði hlaust af hópslagsmálunum að sögn lögreglunnar en mennirnir voru hins vegar kærðir fyrir vopnaburð og fíkniefnavörslu.

Engar frekari upplýsingar hafa þó fengist um málið.

Að öðru leyti hefur verið tiltölulega rólegt hjá lögreglunni á höfuðborgarsvæðinu þar sem af er degi og dagbókarfærslurnar fáar.

Í austurborginni þurfti þó að óska eftir aðstoð lögreglu skömmu fyrir klukkan 2 í dag vegna tilkynningar um þjófnað í verslun.