Lögreglan lýsir eftir Birgittu Sif

Lögreglan á Suðurnesjum lýsir eftir Birgittu Sif Gunnarsdóttur. Hún er sextán ára og er síðast vitað um ferðir hennar í Reykjanesbæ fimmtudaginn 2. apríl klukkan tólf. Talið er líklegt að Birgitta sé komin til Reykjavíkur.

Birgitta Sif er þéttvaxin, 160 sentímetrar á hæð, með sítt dökkbrúnt hár niður á axlir. Síðast þegar sást til hennar var hún klædd í dökka peysu, með dökkan klút um hálsinn og í bláum strigaskóm.

Þeir sem verða varir við Birgittu Sif eru beðnir um að hafa samband við lögregluna á Suðurnesjum í síma 444-2299.

Uppfært klukkan 21.15

Birgitta Sif er fundin og þakkar lögregla veitta aðstoð.