Ferðamaður tekinn með hass

Lögreglan á Suðurnesjum hafði í vikunni afskipti af erlendum ferðamanni á Keflavíkurflugvelli. Tollverðir höfðu fundið hass í fórum mannsins og óskuðu aðstoðar lögreglu.

Í tilkynningu frá lögreglu segir að hassið hafi reynst vera tæp fimm grömm.  Maðurinn greiddi 50 þúsunda króna sekt á staðnum og hélt síðan leiðar sinnar.

„Áður hafði lögregla haft afskipti af íslenskum karlmanni sem var staddur skammt frá lögreglustöðinni á Hringbraut í Keflavík. Hann framvísaði fimm pokum af kannabis og reyndist einnig vera með aðra tegund fíkniefna  í buxnavasa sínum.“