Annar mannanna tveggja sem liggur undir grun í umfangsmiklu kynferðisbrotamáli sem lögreglan á höfuðborgarsvæðinu hefur til rannsóknar virðist vera farinn úr landi ef marka má færslur sem hann setti inn á samfélagsmiðla í morgun. Þar birti hann mynd af brottfaraspjaldi og vegabréfi ásamt bjór en samkvæmt færslunni var hann staddur á Keflavíkurflugvelli.
Fram hefur komið að annar mannanna, sá sem birti fyrrnefnda færslu og virðist farinn af landi brott, væri nemandi við frumgreinadeild Háskólans í Reykjavík. Hinn er starfsmaður hjá Reykjavík Marina hótelinu en hann hefur verið sendur í leyfi á meðan á rannsókn málsins stendur.
Árni Þór Sigmundsson, yfirmaður kynferðisbrotadeildar lögreglu, sagði við Vísi í morgun að hvorki hefði þótt tilefni til að fara fram á gæsluvarðhald eða farbann yfir mönnunum tveimur.
Uppfært klukkan 14:20
Samkvæmt heimildum Vísis var hinn starfsmaðurinn einnig staddur í brottfararsal Keflavíkurflugvallar í morgun og bendir því flest til þess að hann sé farinn úr landi.
Uppfært klukkan 17:00
Samkvæmt heimildum Vísis eru mennirnir báðir farnir úr landi.
Annar grunuðu farinn úr landi?
Tengdar fréttir
Nauðgunarmál í HR: Bæði atvikin að lokinni skólaskemmtun í miðbæ Reykjavíkur
Tveir karlmenn eru meintir gerendur í grófu kynferðisbrotamáli sem er til rannsóknar. Annar þeirra er nemandi við Háskólann í Reykjavík og er sagður hafa nauðgað tveimur bekkjarsystrum sínum í október.
Grunur um nauðgun á bekkjarskemmtun HR
Samkvæmt heimildum Fréttablaðsins rannsakar lögreglan kynferðisbrot sem sagt er hafa átt sér stað á bekkjarskemmtun nemenda HR. Nemandi er sagður hafa nauðgað tveimur samnemendum sínum. Skólinn hefur gripið til aðgerða.
Þótti ekki ástæða til að fara fram á gæsluvarðhald yfir sakborningum
Hart deilt á lögregluna vegna ákvörðunarinnar.
„Ég get ekki hugsað mér mikið alvarlegri nauðgunarmál“
"Fyrst og síðast minnir þetta mig á bókina Fifty Shades of Grey,“ segir Guðrún Jónsdóttir, talskona Stígamóta.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
