Innlent

„Sameinast um að gera líf hælisleitenda á Íslandi að lifandi helvíti“

sunna karen sigurþórsdóttir skrifar
„Almenningur sér þessi mál hinsvegar bera hjá einsog stöku rotinn drumb í læk. Og þegar svona mál kemur upp segir innanríkisráðherra: Æ, hér urðu mistök, þetta verður lagað. Og allir hinir, sem ekki komust í fjölmiðla, sitja eftir.“
„Almenningur sér þessi mál hinsvegar bera hjá einsog stöku rotinn drumb í læk. Og þegar svona mál kemur upp segir innanríkisráðherra: Æ, hér urðu mistök, þetta verður lagað. Og allir hinir, sem ekki komust í fjölmiðla, sitja eftir.“ vísir/gva
Benjamín Julian, talsmaður samtakanna Ekki fleiri brottvísanir, segir niðurdrepandi að reyna að hjálpa flóttamönnum að fá hæli á Íslandi. Ljóst sé að þær stofnanir sem vinni að málefnum flóttafólks hér á landi sameinist um að gera líf þeirra að lifandi helvíti. Einu úrræði hælisleitenda sé að fara með mál sín til fjölmiðla og leita þannig aðstoðar almennings.

Stofnanirnar framleiði grimmd

„Fólk sem ekki hefur unnið sérlega mikið með flóttamönnum segir að það hljóti að vera gott fólk útum allt: í Útlendingastofnun, í innanríkisráðuneytinu, í lögreglunni, í öllum stofnunum sem sameinast um að gera líf hælisleitenda á Íslandi að lifandi helvíti. Það má vel vera. En það breytir engu um grimmdina sem þetta fólk framleiðir. Og ég verð að segja að mér er hjartanlega sama um þennan góða vilja þeirra sem eyðileggja líf annarra. Eyðileggingin er alveg jafn sár fyrir því, ef ekki sárari,“ segir Benjamín á Facebook-síðu sinni.

Benjamín segir að ef allir flóttamenn fengju fjölmiðlaumfjöllun kæmist fátt annað að í fréttatímum. Því þurfi að velja og hafna hver það sé sem fari með málin til fjölmiðla. Oftast nær sé það einhver sem hafi litlu að tapa. Einhver sem sé á milli dauða og hælis.

Benjamín Julian er talsmaður samtakanna Ekki fleiri brottvísanir.
„Ógeðsleg og niðurlægjandi starfsaðferð“

„Maður reynir að velja viðkunnanlegasta manninn á versta tímapunktinum til að tjá sig við fjölmiðla. Einhvern sem þarf ekki að óttast árásir á fjölskylduna heimafyrir ef hann tjáir sig opinberlega. Þetta er ógeðsleg og niðurlægjandi starfsaðferð. Hún er bein afleiðing af því að láta réttindi fólks og málsmeðferð ráðast af vinsældum,“ útskýrir Benjamín.

„Almenningur sér þessi mál hinsvegar bera hjá einsog stöku rotinn drumb í læk. Og þegar svona mál kemur upp segir innanríkisráðherra: Æ, hér urðu mistök, þetta verður lagað. Og allir hinir, sem ekki komust í fjölmiðla, sitja eftir.“

Pistilinn ritar Benjamín meðal annars í tilefni af umfjöllun um albönsku fjölskylduna sem ekki fékk hæli hér á landi. Fjölmargir hafa krafist þess að fjölskyldan fái að dveljast hér en Útlendingastofnun segir ákvörðunina ekki verða endurskoðaða. Benjamín segir það ekki hafa komið sé á óvart. „Svona virkar kerfið, gott fólk, og í þetta skipti fáum við að sjá það. Fínt,“ segir hann.

Albanska fjölskyldan: Aleka, Hasan, Laura, Janie og Petrit.Vísir/GVA
Lagabreytinga þörf

„En ég vil ekki taka þátt í þeim skrípaleik sem nú mun fara í gang, þegar pólitíkusar láta einsog mál þessara fjölskyldna séu svo voðalega sérstök að þau verðskuldi undanþágu. Það á ekki að brjóta reglurnar fyrir þessar fjölskyldur. Það verður að breyta reglunum.“

Hann segir ný útlendingalög engu eiga eftir að breyta fyrr en yfirvöld yfirfari afstöðu sína í málefnum flóttafólks. Á meðan eigi að hætta brottvísunum.

„Það yrði að hætta að nota Dyflinnarreglugerðina. Þetta, segja ráðamenn, mun ekki gerast. Hana nú. Þetta er þulan sem hefur verið kveðin hér á landi, að mestu án áheyrenda, í að minnsta kosti sjö ár. Fólk er ennþá að uppgötva grunnstaðreyndir málanna viku eftir viku. Ég er að reyna að sjá merki þess að núna séu þáttaskil, þótt ég sé ekki vongóður, því það væri hryllilegur dómur yfir landinu ef þetta heldur áfram í mörg ár í viðbót.“

Lesa má pistil Benjamíns í heild hér fyrir neðan.

Það er frekar niðurdrepandi að hjálpa flóttamönnum að fá hæli á Íslandi. Eina úrræðið sem maður hefur er fjölmið...

Posted by Benjamín Julian on 20. október 2015

Tengdar fréttir

Albönsku börnin komin í skóla: Mikil gleði fyrsta skóladaginn

Faðir þriggja albanskra barna, sem hingað til hafa ekki fengið skólavist í íslenskum grunnskólum, segir daginn í dag afar ánægjulegan, en í morgun byrjuðu börn hans loksins í skólanum. Yngsti sonur hans segir skemmtilegast að læra stærfræði og leika sér við aðra krakka.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.