Pedro genginn til liðs við Chelsea

Spænski landsliðsmaðurinn Pedro skrifaði í dag undir samning hjá ensku meisturunum í Chelsea. Talið er að Chelsea greiði 30 milljónir evra fyrir hinn 28 árs gamla framherja sem var riftunarverðið í samning hans.

Pedro sem hefur leikið allan sinn meistaraflokksferil hjá Barcelona hittir hjá Chelsea fyrir fyrrum liðsfélaga sinn í unglingaliðum og síðar aðalliði Barcelona, Cesc Fabregas.

Viðurkenndi hann á dögunum að hann þyrfti líklegast að yfirgefa spænsku meistaranna eftir sjö tímabili en tækifæri hans voru af skornum skammti eftir komu Luis Suarez á síðasta tímabili.

Lék hann alls 321 leiki fyrir Barcelona í öllum keppnum og skoraði í þeim 100 mörk en hann varð fimm sinnum spænskur meistari með félaginu, þrisvar bikarmeistari ásamt því að vera í sigurliði Meistaradeildar Evrópu í þrjú skipti.

Var lengst af talið líklegast að hann myndi ganga til liðs við Manchester United en á síðustu stundu lögðu Chelsea fram tilboð og skrifaði hann í dag undir samning hjá félaginu eftir að hafa gengist undir læknisskoðun.