Endurlífgaður eftir umferðarslys við Hvítársíðu: Haldið sofandi á gjörgæsludeild

Manninum sem lenti í umferðarslysi við Hvítársíðu í Borgarfirði fyrr í dag er haldið sofandi á gjörgæsludeild Landspítalans. Maðurinn, sem er erlendur ferðamaður, var á ferð á bifhjóli eftir malarvegi við Hvítársíðu þegar hann missti stjórn á ökutækinu. Samkvæmt upplýsingum frá lögreglunni í Borgarnesi var það mat vitna á vettvangi að ekki hefði verið um háskaakstur að ræða heldur aðstæðum á veginum.

Þyrla Landhelgisgæslunnar var kölluð á vettvang á fimmta tímanum í dag en þá hafði maðurinn verið endurlífgaður á vettvangi. Kona var með honum í för en hún var einnig flutt á slysadeild en áverkar hennar voru minniháttar.