Banaslys á Biskupstungnabraut

Karlmaður lést þegar bíll með sex manns valt út af Biskupstungnabraut undir Ingólfsfjalli austanverðu um klukkan hálf níu í gærkvöld. Mikil hálka var á veginum og kastaðist maðurinn úr bílnum við veltuna og lenti undir honum. Annar er alvarlega slasaður en meiðsl hinna farþeganna eru talin minniháttar.

Lögreglu og sjúkraflutningamenn frá Hvolsvelli og Reykjavík komu til aðstoðar á vettvangi auk slökkviliðsmanna frá Brunavörnum Árnessýslu og var veginum lokað á meðan þeir voru við störf á vettvangi.