Áhöfnin á Polar Amaroq styrkja systur um eina milljón króna

Áhöfnin á grænlenska uppsjávarskipinu Polar Amaroq afhendir í dag systrunum Áslaugu Ýri og Snædísi Rán Hjartardætrum styrk að upphæð eina milljón króna.

Styrkurinn er ætlaður til að kosta þjónustu túlka í fyrirhugaðri sumarbúðaferð þeirra systra til Danmerkur á komandi sumri.

Í frétt á heimasíðu Síldarvinnslunnar segir að vegna fötlunar eru systurnar algjörlega háðar túlkaþjónustu en fyrir lá að þær þyrftu að kosta slíka þjónustu sjálfar í ferðinni og það var þeim ummegn án utanaðkomandi aðstoðar.

Geir Zoega skipstjóra á Polar Amaroq sagði í samtali við fréttamann Síldarvinnslunnar að áhöfnin muni afhendi styrkinn með með mikilli ánægju. „Við vorum að ljúka við að þrífa skipið að aflokinni loðnuvertíð þegar við sáum viðtal við systurnar í sjónvarpsfréttum,“ sagði Geir.

„Þar kom fram að þær myndu ekki geta farið í langþráða sumarbúðaferð án túlkaþjónustu og þær gætu engan veginn ráðið við að greiða kostnað vegna túlkanna úr eigin vasa. Við í áhöfninni eigum starfsmannasjóð og í honum var ein milljón króna. Það kom strax fram sú hugmynd að afhenda systrunum sjóðinn sem styrk til að standa straum af kostnaði vegna túlkanna.“

.