Innlent

Konan sem lést var frá Hong Kong

Kolbeinn Tumi Daðason skrifar
Samkvæmt upplýsingum frá lögreglunni á Suðurlandi virðist ökumaðurinn hafa misst stjórn á bílnum í krapa og hálku.
Samkvæmt upplýsingum frá lögreglunni á Suðurlandi virðist ökumaðurinn hafa misst stjórn á bílnum í krapa og hálku.
Erlendi ferðamaðurinn sem lét lífið í umferðarslysi á þjóðvegi 1 í Eldhrauni um tíuleytið síðastliðinn föstudag var frá Hong Kong. Konan var farþegi í jepplingi sem ferðafélagi hennar ók í austur að Kirkjubæjarklaustri.

Samkvæmt upplýsingum frá lögreglunni á Suðurlandi virðist ökumaðurinn hafa misst stjórn á bílnum í krapa og hálku með þeim afleiðingum að bíllinn fór útaf veginum og valt.

Konan hafnaði undir bílnum og mun hafa látist samstundis. Rannsóknardeild lögreglunnar á Suðurlandi rannsakar slysið og nýtur til þess aðstoðar ýmissa sérfræðinga.

Mest lesið


Fleiri fréttir

Sjá meira


×

Mest lesið