Neitaði að borga fyrir leigubílinn

Maður var handtekinn í gær eftir að hann neitaði að borga fyrir leigubíl. Bílstjórinn kallaði eftir aðstoð en þegar lögreglan kom á staðinn neitaði maðurinn að segja til nafns og gefa upp kennitölu. Þá neitaði hann einnig að hafa tekið leigubíl svo ákveðið var að vista hann í fangageymslu.

Þá var tilkynnt um tvær líkamsárásir í vesturbæ Reykjavíkur í gær og eina líkamsárás á veitingastað í Hafnarfirði.

Undir morgun barst lögreglu svo tilkynning um mann sem lét ófriðlega á gistiheimili í vesturbæ. Hann neitaði að segja til nafns þegar lögregla kom á vettvang, gaf ekki upp rétt herbergisnúmer og var búinn að henda til tölvum og öðrum innanstokksmunum í anddyri hótelsins.