Bann Matic stytt um einn leik

Aganefnd enska knattspyrnusambandsisn hefur stytt bann Nemanja Matic, leikmanns Chelsea, um einn leik.

Matic fékk að líta rauða spjaldið í leik Chelsea og Burnley um síðustu helgi. Hann þótti sýna ofsafengin viðbrögð sem var reyndar skiljanlegt í ljósi þess að Ashley Barnes, leikmaður Burnley, var næstum búinn að binda enda á feril hans með skelfilegri tæklingu.

Matic fékk upprunalega þriggja leikja bann en þarf nú að vera í banni í tveimur leikjum.

Hann mun missa af er úrslitaleiknum í deildabikarnum gegn Tottenham um næstu helgi sem og leiknum gegn West Ham í deildinni í næstu viku.