Réðist á lögreglumann og var yfirbugaður með gasi

Lögreglan á höfuðborgarsvæðinu yfirbugaði um tvöleytið í dag mann með gasi úr varnarúða eftir að hann réðist á lögreglumann. Árásarmaðurinn hafði verið farþegi í leigubíl ásamt öðrum manni en leigubílstjórinn kallaði á aðstoð lögreglu þegar þeir neituðu að borga fargjaldið.

Þetta kemur fram í tilkynningu frá lögreglunni en þar segir að árásarmaðurinn hafi verið handtekinn. Maðurinn var færður í fangaklefa en klukkan fimm var enn ekki búið að ræða við hann. „Verður rætt við hann er af honum bráir,“ segir í tilkynningu lögreglunnar.