Innlent

Mjallhvít lofaði lögreglunni í Reykjavík að lækka

Kolbeinn Tumi Daðason skrifar
Hin eina sanna Mjallhvít.
Hin eina sanna Mjallhvít.
Lögreglan á höfuðborgarsvæðinu deilir reglulega með fylgjendum sínum á Facebook óvæntum uppákomum þeirra í starfi meðfram því að birta ýmsar myndir úr starfi sínu á Instagram. Nýjasta sagan er frá útkalli á dögunum þar sem engin önnur en Mjallhvít kom við sögu.

„Hávaðaútköll eru því miður algeng, sérstaklega um helgar, þegar skemmtanalíf borgarinnar dregur að sér ungt fólk, bæði í anda og lífárum, sem vilja skemmta sér og öðrum. Stundum verður skemmtunin þó þannig að hún truflar aðra og þá skapast vandamál,“ segir í færslu lögreglunnar.

„Eitt slíkt útkall barst lögreglu á dögunum en þegar lögreglumenn bönkuðu upp var það Mjallhvít sjálf sem kom til dyra – en innandyra reyndust fleiri fígúrur bókmenntanna vera að hafa sig til fyrir næturlífið. Mjallhvít lofaði að lækka.“




Fleiri fréttir

Sjá meira


×