Núverandi útvarpsstjóri segir Pál horfa þetta sínum augum

Páll Magnússon, fyrrverandi útvarpsstjóri, segir umræðuna sem geisað hefur um bágborna stöðu ríkisúrvarpsins oft vera mjög einkennilega. Núverandi útvarpsstjóri segir Pál horfa þetta sínum augum.

Páll Magnússon gengur svo langt að kalla umræðuna um RÚV þvætting.

„Forveri minn sem þarna talar gekk auðvitað í gegnum mjög erfiða tíma og þekkir eins og ég þær áskoranir sem eru fyrir hendi og hann sér þessi mál með sínum augum. Það sem við erum að reyna gera er að reyna vinna úr þessari stöðu sem Ríkisútvarpið er í, sem grundavallast auðvitað á uppsöfnuðum vanda til margra ára,“ segir Magnús Geir Þórðarson, núverandi útvarpsstjóri.

Magnús segir að fólk innan stofnunarinnar séu einhuga og samstíga stjórnvöldum hvernig hægt sé að leiða Ríkisútvarpið inn í bjartari tíma.

„Þjónustutekjur til Ríkisútvarpsins hafa lækkað að raunvirði, jafnt og þétt frá því að Ríkisútvarpið var gert að opinberu hlutafélagi árið 2007 og við lækkun úrvarpsgjalds þá eru fyrirsjáanlegt að þessar rauntekjur haldi áfram að lækka.“