Nýr sendiherra Bandaríkjanna spreytir sig á íslenskunni

Bandaríska sendiráðið hefur birt myndband á Facebook-síðu sinni þar sem nýr sendiherra er kynntur til leiks.

Sendiherrann hefur greinilega æft sig að tala á íslensku því í myndbandinu kynnir hann sig á íslensku og segir að honum þyki það ánægjulegt og mikill heiður að vera næsti sendiherra Bandaríkjanna á Íslandi.

Robert C. Barber mun afhenda forseta Íslands trúnaðarbréf sitt 28. janúar næstkomandi og taka þar með formlega við embætti sendiherra Bandaríkjanna á Íslandi.

Í myndbandinu er rætt við Barber um starfsferil hans, ást hans á Nýja Englandi og áætlanir hans um að kynnast landi og þjóð.

Post by US Embassy Reykjavik Iceland.