Landsnet orðið 10 ára

Landsnet kynnir nýjar áherslur í rekstri félagsins á opnum vorfundi um stöðu flutningskerfis raforku á Íslandi í fyrramálið, 9. apríl.

„Tíu ár eru frá því félagið tók til starfa og er vorfundurinn orðinn árviss viðburður,“ segir í tilkynningu.

Nýjum áherslum, sem Guðmundur Ingi Ásmundsson, forstjóri Landsnets, kynnir eiga meðal annars að ná fram víðtækari samfélagssátt um leiðir til að þróa og viðhalda raforkuflutningskerfi landsins, í sátt við samfélag og umhverfi.

Hægt verður að fylgjast með fundinum á landsnet.is og koma að spurningum á Twitter undir #landsnet, eða í netfangið landsnet@landsnet.is.