Ingvar nýr formaður Framsóknarfélags Reykjavíkur

Ingvar Jónsson, flugstjóri hjá Icelandair, var kjörinn nýr formaður Framsóknarfélags Reykjavíkur á aðalfundi félagsins á miðvikudag.

Ingvar er 41 árs og hefur verið flugmaður og síðar flugstjóri hjá Icelandair frá árinu 1996.

Í tilkynningu frá Framsókn segir að Ingvar sé menntaður atvinnuflugmaður og flugkennari frá Flugskóla Íslands.

„Hann hefur verið fulltrúi Framsóknar og flugvallarvina í Menningar- og ferðamálaráði borgarinnar frá 2014 og er stjórnarformaður tryggingasjóðs sjálfstætt starfandi einstaklinga.

Ingvar er kvæntur Sigríði Nönnu Jónsdóttur flugfreyju og eiga þau fjögur börn.“