Prins Póló leikur á Húrra í kvöld

Hljómsveitin Prins Póló kemur fram á tónleikum á Húrra í kvöld. Húsið opnar klukkan 21 og hefjast tónleikarnir klukkustund síðar. Aðgangseyrir er 2.000 krónur.

Þetta verða síðustu tónleikar Prins Póló í höfuðborginn í bili en eitthvað mun hirðin leika á hist og her um landið í vor og sumar.

Upphitun verður í boði Páls Ivan frá Eiðum. Mun þetta marka upphaf nýrrar tónleikaraðar sem tímaritið Reykjavík Grapevine stendur að í samstarfi við Húrra.

Fyrir þá sem ekki geta beðið fylgir hér upptaka af því þegar Prins Póló kíktu til KEXP útvarpsstöðvarinnar á meðan Airwaves stóð yfir.