Rafmagnslaust á stóru svæði í Reykjanesbæ

Rafmagnslaust er nú á stóru svæði í Reykjanesbæ eftir að bilun varð í háspennustreng. Unnið er að viðgerð en ekki liggur fyrir hvað hún muni taka langan tíma.

Samkvæmt upplýsingum frá HS Orku er um að ræða svæði fyrir ofan Hringbraut sem datt út í skyndi í morgun. Rafmagnið kom aftur inn í örlitla stund en datt svo aftur út í hádeginu.

Tilkynningar hafa borist um rafmagnsleysi á svæðinu milli Skólavegs og Aðalgötu.

Uppfært 13:20: Samkvæmt upplýsingum frá HS Orku er rafmagn aftur komið á.