Joe Hart fær samkeppni hjá City

Manchester City er búið að ganga frá kaupum á markverðinum Willy Caballero frá spænska liðinu Málaga, en Englandsmeistararnir borga um sex milljónir punda fyrir leikmanninn.

Þessi 32 ára gamli Argentínumaður skrifaði undir þriggja ára samning við City og á að berjast um markvarðarstöðuna við JoeHart, landsliðsmarkvörð Englands.

„Þetta er ný áskorun fyrir mig í nýrri deild. Ég staðið mig vel hjá Málaga undanfarin ár og vonandi verður framhald á því á Englandi,“ segir Caballero.

Wilfredo Caballero, eins og hann heitir fullu nafni, hóf ferilinn með Boca Juniors í Argentínu en hefur síðan spila með Elche og Málaga á Spáni.