Kynbundinn launamunur 8,5 prósent

Kynbundinn launamunur innan VR hefur dregist saman um rúmlega 40 prósent frá árinu 2000. Samkvæmt árlegri launakönnun félagsins, sem birt var í dag, hefur launamunur kynjanna ekki verið minni. Kynbundinn launamunur innan VR mælist 8,5 prósent en var 9,4 prósent á síðasta ári.

Í tilkynningu frá VR vegna launakönnunarinnar segir að kynbundinn munur sé sá sem er á launum karla og kvenna eftir að tekið hefur verið tillit til áhrifaþátta á laun eins og vinnutíma, starfs, atvinnugreinar og mannaforráða.

Samkvæmt niðurstöðum könnunarinnar kemur einnig fram að heildarlaun félagsmanna VR hækkuðu að meðaltali um 7 prósent á milli janúar 2013 og 2014. Grunnlaun hækkuðu um 6,9 prósent og er hún umfram samningsbundnar hækkanir.