Skorið niður hjá Brunavörnum Suðurnesja

Stjórn Brunavarna Suðurnesja samþykkti á fundi sínum á mánudag að segja upp fastri yfirvinnu slökkviliðsstjóra og aðalsvarðstjóra (BS) frá og með áramótum. Þá verður ráðningasamningur við yfirmenn BS endurskoðaður og reksturinn allur. Stjórnin vill jafnframt hefja viðræður um mögulega sameiningu við slökkviliðið á höfuðborgarsvæðinu.

Þetta kemur fram í greinargerð um rekstur og tillögur um hvernig ná má fram hagræðingu í rekstri BS sem unnin var af Helgu Jóhönnu Oddsdóttur, ráðgjafa frá Carpe Diem og Kristjáni Jóhannssyni formanni stjórnar BS. Greinargerðin kemur í kjölfar fjárhagsúttektar Reykjanesbæjar en bærinn skuldar um fjörutíu milljarða króna. Tillögurnar voru allar samþykktar samhljóða fundi stjórnarinnar.

Bifreiðahlunnindum slökkviliðsstjóra verður sagt upp en hingað til hefur hann haft til umráða Toyota Land Cruiser bifreið til afnota þegar hann er á bakvakt.

Bifreiðastyrkjum verður jafnframt sagt upp og greitt verður samkvæmt akstursbók. Fólksbílaeign verður endurskoðuð en í dag eru fimm fólksbílar í rekstri. Stefnt er að fækkun um tvo.

Allir samningar við byrgja og seljendur þjónustu sem BS verða endurskoðaðir, meðal annars þeim er tengjast einkennisfatnaði, hreinlætisvörum, olíu, bensíni, fæði starfsmanna og fleira. Þá hættir BS að greiða fyrir maka slökkviliðsmanna í líkamsrækt.

Helga Jóhanna mun halda áfram vinnu varðandi fjárhagsáætlun 2015 og tímum hennar fjölgað um 15.