Innlent

Rannsókn lokið: Maðurinn fullyrðir að hann hafi farið út í Ölfusá

Kolbeinn Tumi Daðason skrifar
Um tveir til þrír kílómetrar eru frá þeim stað þar sem bíllinn fór út í ána og þangað sem maðurinn fannst.
Um tveir til þrír kílómetrar eru frá þeim stað þar sem bíllinn fór út í ána og þangað sem maðurinn fannst. KORTAGRUNNUR/LOFTMYNDIR
Lögreglan á Selfossi hefur rætt við manninn sem fannst kaldur og hrakinn neðan við flugvöllinn á Selfossi á föstudagsmorgun. Maðurinn fullyrðir að hann hafi verið í bílnum sem fór út í Ölfusá á ellefta tímanum á fimmtudagskvöldið eða um tólf klukkustundum áður en hann fannst. Manninum tókst að bjarga sér með því að komast út um glugga samkvæmt upplýsingum frá lögreglunni á Selfossi. Málið var rannsakað sem slys frá upphafi og hefur þeirri rannsókn nú verið hætt.

Þorgrímur Óli Sigurðsson, aðstoðaryfirlögregluþjónn á Selfossi, segir frásögn mannsins koma heim og saman við framburð vitnis sem sá bílinn fara út í ána á fimmtudagskvöldið. Engar forsendur séu til þess að trúa því að eitthvað annað hvað þá saknæmt hafi átt sér stað. Ekki sé ljóst hve lengi maðurinn hafi verið í ánni en hann hafi svo komist í skjól á vinnusvæðinu við flugvöllinn á Selfossi.

Á níunda tug björgunarsveitarmanna tóku þátt í leitinni að manninum sem kom gangandi til móts við leitarmenn á ellefta tímanum á föstudagsmorgun. Maðurinn var vistaður á Landspítalanum á föstudag.


Tengdar fréttir

Leitaði skjóls í vélgröfu

Þorgrímur Óli Sigurðsson, yfirlögregluþjónn á Selfossi, segir það kraftaverki líkast að maður sem fór út í Ölfusá í gærkvöldi hafi fundist á lífi í morgun.

Efast um að maðurinn hafi farið í ána

Lögreglan á Selfossi hefur til rannsóknar mál mannsins sem fannst kaldur og hrakinn neðan við flugvöllinn á Selfossi í gærmorgun, föstudag.

Maðurinn fundinn á lífi

Ökumaður bíls sem fór út í Ölfusá í gærkvöldi er fundinn. Maðurinn er á lífi og er kominn til aðhlynningar á sjúkrahúsinu á Selfossi.

Leit hafin á ný í Ölfusá

Hátt í áttatíu manns leituðu án árangurs langt fram á nótt að bíl sem ekið var út í Ölfusá í gærkvöldi.

Mest lesið


Fleiri fréttir

Sjá meira


×

Mest lesið